Bæði Fiskistofa og útgerðarmenn hér á landi eru sammála um að fullyrðingar talsmanns norskra útgerðarmanna um að íslenskar uppsjávarútgerðir séu kerfisbundið að landa síld sem makríl sé uppspuni. Engin gögn eru til um að slík óheiðarleg vinnubrögð eigi sér stað hér á landi.

Audun Maråk, framkvæmdastjóri Fiskebåt (samtaka norskra útgerðarmanna), hélt því í tvígang fram í síðustu viku að Íslendingar og Færeyingar væri af ásetningi að skrá síld sem makríl í þeim tilgangi að réttlæta hlut sinn í makrílveiðunum og geta veitt meiri síld.

Frétt af mbl.is

Sakar Íslendinga um ósannindi

„Við vísum þessu til föðurhúsanna, síld er flokkuð sér og skráist sem slík við veiðarnar,“ svarar Gunnþór Ingvason, framkvæmdastjóri Síldarvinnslunnar, inntur álits á fullyrðingum Norðmannsins.

Erna Jónsdóttir, sviðstjóri stjórnsýslu- og upplýsingasviðs hjá Fiskistofu, tekur í sama streng og segir: „Fullyrðingar Auðuns Maråk eru ekki studdar með rökum.“

Allt fer í flokkara

Gunnþór segir ekki þannig að kollegar hans í Noregi séu endilega sammála því sem talsmaður þeirra sé að segja. „Það er ekki eins og þetta komi frá útgerðamönnum í Noregi þó svo að þessi ágæti maður Auðunn Maråk sé að bera út lygar um það sem gerist á Íslandi.“

Maråk sagði tvö ummerki um svindl og það væri annars vegar að norsku makrílskipin hafi ekki fundið makríl á þeim slóðum sem Íslendingar hefðu áður tilkynnt um makrílveiði og hins vegar að mikið magn af aflanum færi í mjöl og lýsi.

„Það fer allur fiskur yfir flokkara þannig að þetta er alveg skýrt í makrílnum í sumar, fisknum var ekki landað í bræðslu heldur flokkaður í frystihúsi, unnið það sem hægt var að vinna og  það sem flokkast frá vegna gæðavandamála eða ástands fisksins fer til mjöl og lýsisvinnslu. Það er alveg ljóst að á tímabili var fiskurinn mjög dapur og fór töluvert yfir í mjöl og lýsisvinnsluna meira en við vildum, en svona er það stundum þegar fiskurinn er í miklu æti og mikil áta í fisknum þá verður erfitt að framleiða manneldisvöru úr honum,“ útskýrir Gunnþór.

Frétt af mbl.is

„Þetta er bara fullkomið rugl“

Rökleysa segir Fiskistofa

 „Við höfum bent á að hlutfall meðafla í makrílafla Íslendinga er eðlilegt og það er ekkert sem bendir til að Auðunn hafi rétt fyrir sér,“ segir Erna. Hún bendir á að Fiskistofa hafi eftirlit með löndun skipa sem stunda makrílveiðar. „Það hefur ekki komið upp tilfelli þar sem verið er að skrá síld sem makríl.“

Hún veltir því fyrir sér hvað kunni að vera ástæða þess að Maråk hafi varpað fram umræddum ásökunum. „Það voru samningaviðræður um makríl í síðustu viku og þessar fullyrðingar hafa eflaust átt að hafa áhrif þar inn.“

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

• Blogga um frétt