Vigfús er trillukarl ársins

Vig­fús Vig­fús­son frá Hornafirði er trillu­karl árs­ins. Svandís Svavars­dótt­ir, mat­vælaráðherra, af­henti viður­kenn­ingu þess efn­is fyr­ir hönd Lands­sam­bands smá­báta­eig­enda á opn­un­ar­hátíð sjáv­ar­út­vegs­sýn­ing­ar­inn­ar Sjáv­ar­út­veg­ur 2022 í Laug­ar­dals­höll í dag.

Vig­fús ger­ir út Dögg SF-18 frá Höfn og er hann sjálf­ur skip­stjóri. Hann hef­ur frá ár­inu 1994 róið sín­um eig­in bát og hef­ur ávallt verið í flokki smá­báta.

Fram kom í kynn­ingu á viður­kenn­ing­unni að við lýði var bann­daga­kerfi þegar Vig­fús hóf út­gerð, síðan tók við þorskafla­há­mark og að lok­um varð til króka­afla­marks­kerfi, en sam­hliða réri Vig­fús í sókn­ar­daga­kerfi þar til það var aflagt árið 2005. Frá þeim tíma hef­ur hann róið í króka­afla­marki og gert út á línu.

Frétt af mbl.is

Hús­fyll­ir við opn­un Sjáv­ar­út­veg­sýn­ing­ar­inn­ar

Þekkt­ur fyr­ir að róa stíft

„Vig­fús er þekkt­ur fyr­ir að róa stíft og vera fylg­in sér, þótt ró­leg­heit­in við fisk­veiðar séu hon­um eðlis­læg. Það þýðir ekki að vera með neinn æs­ing eins og Vig­fús orðar það,“ sagði í kynn­ing­unni.

„Það er til marks um hvað Vig­fúsi geng­ur vel með þann gula að dæmi eru um að afla­menn hafi stol­ist um borð í bát hans í skjóli næt­ur til að rann­saka veiðafær­in í þeirri von að geta nýtt sér leynd­ar­málið. Ekk­ert var þar hins veg­ar að sjá, þetta er hon­um í blóð borið, hann er galdramaður eins og þeir orðuðu það. Nú hef­ur Vig­fús söðlað um, hætt­ur að gera út á línu og byrjaður á strand­veiðum. Þar fer sam­an hjá hon­um at­vinna og áhuga­mál. Hann sagðist  hafa ætlað að taka það ró­lega, en það er nú bara svona þegar maður horf­ir á vini sína sigla út ósinn, þá fer maður á eft­ir þeim.“

Örn Páls­son, fram­kvæmda­stjóri Lands­sam­bands smá­báta­eig­enda, Selma Dögg Vig­fús­dótt­ir og Svandís Svavars­dótt­ir, mat­vælaráðherra. mbl.is/​Eggert Jó­hann­es­son

Á strand­veiðunum í sum­ar var hann afla­hæst­ur með 69,4 tonn í 33 sjó­ferðum. Þar af 23 tonn af þorski og 46 tonn af ufsa. Um er að ræða Íslands­met í Strand­veiðum.

Vig­fús var ekki viðstadd­ur af­hend­ingu viður­kenn­ing­ar­inn­ar en Selma Dögg Vig­fús­dótt­ir (dótt­ir Vig­fús­ar) tók við viður­kenn­ing­unni fyr­ir hönd hans.

• Blogga um frétt