Ekki hafa orðið mikl­ar skemmd­ir á eign­um eða slys á fólki hjá Eskju og Síld­ar­vinnsl­unni í ofsa­veðrinu. Þó truflaði fram­leiðslu að raf­magnið hafi farið af Aust­ur­landi.

„Við slupp­um þokka­lega og eng­ar um­tals­verðar skemmd­ir,“ seg­ir Páll Snorra­son, fram­kvæmda­stjóri sjáv­ar­út­vegs­fyr­ir­tæk­is­ins Eskju á Eskif­irði, er hann er spurður um hvaða áhrif ofsa­veðrið hef­ur haft á rekst­ur­inn.

„Við lent­um í brasi með gamla skipið okk­ar, Jón Kjart­ans­son SU 311, sem ligg­ur á Reyðarf­irði. Hann var að losna frá bryggj­unni […] en það slapp til og fór bet­ur en á horfðist. Við erum ekki að nota þetta skip. Það er komið til ára sinna og er til sölu,“ út­skýr­ir Páll.

Gunnþór Ingva­son, fram­kvæmda­stjóri Síld­ar­vinnsl­unn­ar. mbl.is/​Sig­urður Bogi

„Það er ekk­ert al­var­legt tjón hjá okk­ur enn sem komið er,“ seg­ir Gunnþór Ingva­son, fram­kvæmda­stjóri Síld­ar­vinnsl­unn­ar á Nes­kaupstað. „Við vor­um að fram­leiða bæði í frysti­hús­inu  og fiski­mjöls­verk­smiðjunni í gær þegar raf­magnið datt út. Það raskaði lít­il­lega hjá okk­ur vinnsl­um en allt er komið í gang núna.“

Þá fuku nokk­ur fiskikör hjá frysti­húsi fé­lags­ins á Seyðis­firði, en ekki urðu mikl­ar skemmd­ir á eign­um eða slys á fólki. „Heilt yfir höf­um við sloppið ágæt­lega enn sem komið er,“ seg­ir Gunnþór.

Frétt af mbl.is

„Fisk­vinnslukör fuku eins og syk­ur­púðar út um all­an fjörð“

Hefja síld­veiði í kvöld eða nótt

Síld­ar­vertíðin var haf­in þegar veðurofs­inn skall á og létu upp­sjáv­ar­skip­in sig hverfa enda voru slæm skil­yrði til veiða á síld­armiðunum. Sjó­lags­spá Vega­gerðar­inn­ar ger­ir ráð fyr­ir áfram­hald­andi mik­illi öldu­hæð fram eft­ir degi en staðan á að batna í kvöld og í nótt.

„Varðandi síld­ina þá fara okk­ar skip út í dag eða kvöld eða þegar veðrið lag­ast. Við eig­um eft­ir að veiða og vinna um 4.000 tonn af okk­ar heim­ild­um í norski-ís­lensku síld­inni. Okk­ur hef­ur gengið mjög vel að ná síld­inni en hún er ná­lægt og veiðin búin að ganga vel,“ seg­ir Páll.

Frétt af mbl.is

Eng­in skip við landið aust­an­vert

Gamli Jón Kjart­ans­son og fleiri skip við bryggju á Reyðarf­irði. mbl.is/​Sig­urður Bogi

Tengd­ar frétt­ir

Fyrsta haust­lægðin

Sitja uppi með að skulda heil­an bíl

• Páll Helgi sökk í Stykk­is­hólmi og verður fargað
• Verður end­ur­reist á nýj­um stað
• Til­kynnt tjón nema tug­um millj­óna
• Tré liggja „þvers og kruss“

» Fleiri tengd­ar frétt­ir

• Blogga um frétt