Sjálfvirk aflagreining ÚR til Hafró og Fiskistofu

Útgerðarfélag Reykjavíkur (ÚR) hyggst miðla upplýsingum um allan þann afla sem kemur um borð í skip sín til Hafrannsóknastofnunar og Fiskistofu og hefur fest kaup á tækjum sem skrásetja samsetningu aflans.

Nýlega undirritaði Maritech og ÚR samning um kaup þess síðarnefnda á tveimur einingum af Maritech Eye sem eiga að setja upp í skipum útgerðarinnar. Tækin tegundagreina, mæla stærð og skrá kyn aflans sem kemur um borð.

Konrad Hatlemark Olavsson, framkvæmdastjóri Maritech, segir upplýsingarnar sem tækin safna verður deilt með Hafrannsóknastofnun og Fiskistofu í þeim tilgangi að veita upplýsingar sem koma að notum við rannsóknir og mat á stofnstærðum.

Maritech Eye notar nýja tækni til að mæla stærð sme og tegunda- og kyngreina aflan. Mynd/Maritech

„Þetta verkefni hefur vakið gífurlega athygli hér á Íslandi og einnig fylgjast aðilar í Noregi spenntir með. Takist okkur vel til munu þessi gögn bæta til muna aðgengi iðnaðarins og stjórnvalda um fiskveiðar í kringum landið,“ segir Konrad.

Hann útskýrir að Maritech Eye sé ný tækni sem myndar fiskinn með svokallaðri „Hyperspectral-tækni“ sem hefur til þessa ekki verið notuð mikið í fiskiðnaði. Tækið var þróað í Noregi í samstarfi opinbera aðila og sjávarútvegsfyrirtækja.

• 1 blogg um fréttina

Bloggað um fréttina

• Rúnar Már Bragason: Kominn til að þessar upplýsingar séu nýttar