Vilhelm Þorsteinsson landað mestri síld

Íslensku uppsjávarskipin eru komin á fullt að sækja norsk-íslensku síldina og hafa landað 41.489 tonnum samkvæmt skráningu Fiskistofu, en enn eru óveidd 68.390 tonn af útgefnum aflaheimildum. Síldin er skammt frá landi á miðunum út af Austfjörðum og er því gert ráð fyrir góðri veiði á næstunni, en hlé var gert á veiðum á meðan veðurofsinn gekk yfir landið.

Vilhelm Þorsteinsson EA-11, uppsjávarskip Samherja, er enn sem komið er aflamesta skipið á veiðunum og hefur landað 7.383 tonnum sem er langmest meðal íslensku skipanna. Á eftir fylgir Jón Kjartansson SU-111, sem Eskja gerir út, með 4.294 tonn. Skip Ísfélags Vestmannaeyja, Sigurður VE-15, hefur borið 3.794 tonn af norsk-íslenskri síld að landi.

• Blogga um frétt