Sæstrengir geta minnkað lífslíkur ýsuseiða

Segulsvið raflína í sjó sem tengja hverfla í vindmyllugörðum hefur áhrif á áttaskyn ýsuseiða og dregur úr sundvirkni þeirra, allt að 60%. Þetta getur um sinn haft áhrif á útbreiðslu og dregið úr lífslíkum þeirra. Þetta er niðurstaða vísindamanna norsku hafrannsóknastofnunarinnar, Havforskningsinstituttet, að því er segir í umfjöllun Morgunblaðsins.

Hjá stofnuninni stendur yfir umfangsmikið verkefni er snýr að rannsóknum á áhrifum af uppbyggingu og rekstri vindorkuvera til hafs á lífríki sjávar.

Frétt af mbl.is

Gera athugasemdir við vindmyllugarða á hafi úti

„Vindorkuver á hafi úti og önnur orkumannvirki til hafs eru tengd háspennustrengjum sem framleiða segulsvið. Þetta getur haft áhrif á fiska sem synda eða rekur nálægt – sérstaklega seiði sem hafa minni getu til að synda í burtu frá strengjunum,“ segir í grein sem birt hefur verið á vef stofnunarinnar.

Fjallað er nánar um málið í Morgunblaðinu í dag.