Lönduðu 300 milljóna afla í Hafnarfirði

Blæng­ur NK, frysti­tog­ari Síld­ar­vinnsl­unn­ar, var knú­inn til að landa í Hafnar­f­irði í gær sök­um þess að all­ar frystigeymsl­ur út­gerðar­inn­ar í Nes­kaupstað eru full­ar vegna yf­ir­stand­andi síld­ar­vertíðar.

„Afl­inn var rúm 560 tonn og verðmæt­in um 300 millj­ón­ir. Þetta var blandaður afli, mest ufsi, þorsk­ur og grá­lúða. Það fór mik­ill tími í að forðast gull­karfa en það er búið að skerða karfa­kvót­ann þannig að all­ir eru í vand­ræðum,“ seg­ir Sig­urður Hörður Kristjáns­son, skip­stjóri á Blængi, í færslu á vef Síld­ar­vinnsl­unn­ar.

Sig­urður seg­ir veiðiferðina hafa gengið þokka­lega. „Þetta var dá­lít­ill skraptúr en við vor­um rúm­ar þrjár vik­ur að veiðum. Haldið var til veiða 4. sept­em­ber og komið í land 29. sept­em­ber. Við hóf­um veiðar fyr­ir aust­an land en vor­um nán­ast all­an tím­ann á Vest­fjarðamiðum.“

Skip­stjór­inn ger­ir ráð fyr­ir að skipið haldi á miðin á ný í kvöld.

• Blogga um frétt