Ný sjávarútvegsstefna fyrir opnum dyrum
Setja bókamerki
Tengdar fréttir
Fiskveiðistjórnunin
/frimg/1/46/57/1465795.jpg)
Almenningi verður gert kleift að fylgjast með framvindu stefnumótunar og endurskoðun fiskveiðilöggjafarinnar á nýrri vefsíðu stjórnvalda. Einnig verður þar hægt að koma á framfæri athugasamedum, hugmyndum eða spurningum.
Vefsíðan audlindinokkar.is hefur verið opnuð, segir í tilkynningu á vef stjórnarráðsins. Tilefnið er verkefnið „Auðlindin okkar“ sem Svandís Svavarsdóttir, matvælaráðherra, kynnti í maí síðastliðnum.
Vegna verkefnisins voru skipaðir fjórir starfshópar og samstarfsnefnd um sjávarútvegsstefnu. Verkefni hópanna er að greina áskoranir og tækifæri í sjávarútvegi og tengdum greinum ásamt því að meta þjóðhagslegan ávinning fiskveiðistjórnunarkerfisins.
„Á síðunni má finna upplýsingar um upplegg og tilgang verkefnisins, skipan starfshópa og samráðsnefndar. Einnig er að finna á síðunni yfirgripsmikið gagnasafn um sjávarútveg. Þar má nálgast gögn og fundargerðir starfshópa og samráðsnefndar, ásamt lögum, dómum, frumvörpum, álitum og úrskurðum. Jafnframt er þar að finna yfirlit yfir þá hagaðila sem starfshóparnir hafa rætt við,“ segir í tilkynningunni.
Þá segir að áhersla sé lögð á opna, þverfaglega og gagnsæja nálgun í verkefninu og allir sem hafa áhuga hvattir til að hafa stamband í gegnum síðuna eða netfangið audlindinokkar@mar.is til að koma skoðunum, upplýsingum eða spurningum á framfæri.
Vinna starfshópa og samstarfsnefndar hófst í júní og gert er ráð fyrir að endanleg afurð þeirra vinnu líti ljós sem frumvörp til Alþingis vorið 2024.
Tengdar fréttir
Fiskveiðistjórnunin
„Viðvaranir dynja á okkur úr öllum áttum“
Segir stöðuna ekki hafa áhrif á þingstörf
Lífskjör munu versna ef tollar verða lagðir á
„Það er viðbúnaður alls staðar“
/frimg/1/54/68/1546876.jpg)
Svona hljóða rauðu viðvaranirnar
Nánast allir vinirnir snúið við honum baki