Frakkar sólgnir í ufsa

Frakk­ar virðast sólgn­ir í ufsa en þangað hafa verið flutt­ar ufsa­af­urðir fyr­ir 3,2 millj­arða króna á fyrstu átta mánuðum árs­ins. Það er meira en nokkru sinni fyrr, tæp­lega 70% meira en á sama tíma­bili 2021 og 255% meira en á sama tíma­bili 2020. Frakk­land hef­ur jafn­framt verið stærsti markaður­inn fyr­ir ufsa það sem af er ári, sam­kvæmt töl­um Hag­stofu Íslands.

„Útflutn­ing­ur ufsa­af­urða til Frakk­lands hef­ur stór­auk­ist og eru verðmæt­in nú þegar orðin mun meiri en þau hafa áður náð á heilu ári. Auk­inn út­flutn­ing­ur til Frakk­lands kem­ur heim og sam­an við þá auknu áherslu á fersk­fisk­vinnslu á ufsa, en Frakk­ar eru þekkt­ir fyr­ir að kunna að njóta góðs mat­ar þar sem gæði, gott hrá­efni og fersk­leiki eru í önd­vegi,“ seg­ir í grein­ingu Radars­ins.

Frétt af mbl.is

226 millj­arða út­flutn­ing­ur á fyrstu átta mánuðum

Frakk­land er orðið langt­um stærsta viðskiptalandið þegar kem­ur að ufsa­af­urðum, það sem af er ári, og mun­ar tölu­verðu þegar kem­ur að næst stærsta viðskipta­land­inu. Á síðasta ári varð Frakk­land í fyrsta sinn stærsta viðskiptalandið með ufsa­af­urðir, en á ár­un­um 2019 og 2020 var Pól­land efst á blaði og fyr­ir þann tíma var Þýska­land á toppn­um.

Mynd/​Radar­inn

Meira magn unnið hér á landi

Heilt yfir hef­ur orðið marg­falt meiri aukn­ing í út­flutn­ings­verðmæti ufsa­af­urða en til að mynda þorskaf­urða. Á fyrstu átta mánuðum nam út­flutn­ings­verðmæti þeirra 14 millj­örðum króna sem er 57% meira en á sama tíma­bili 2021, en magn hef­ur dreg­ist sam­an um 8% á sama tíma.

„Vissu­lega hef­ur afurðaverð á ufsa hækkað á und­an­förn­um mánuðum, en það er þó meira í spil­un­um en það. Þessa miklu aukn­ingu í verðmæt­um má að stór­um hluta rekja til þess að full­vinnsla á ufsa heima fyr­ir hef­ur stór­auk­ist á milli ára. Þannig hef­ur út­flutn­ing­ur á fersk­um ufsa­flök­um aldrei verið meiri en nú í ár, auk þess sem veru­leg aukn­ing er í út­flutn­ingi á fryst­um flök­um,“ seg­ir í grein­ing­unni.

Bent er á að á und­an­förn­um árum hafi út­flutn­ing­ur á heil­um og hauskorn­um ufsa verið um þriðjung­ur af út­fluttu magni á fyrstu átta mánuðunum, en nú í ár er hlut­fallið 18%. „Þetta eitt og sér leiðir til þess að minna er flutt út að magni til en verðmæta­sköp­un inn­an­lands verður meiri fyr­ir vikið, með til­heyr­andi já­kvæðum áhrif­um á þjóðarbúið.“

Mynd/​Radar­inn

• Blogga um frétt