Verðmæti strandveiðiafla sumarsins var rúmlega 4,7 milljarðar króna. Aflaverðmætið í maí var 1,3 milljarðar, 1,9 milljarðar í júní og 1,5 milljarðar í júlí en strandveiðitímabilinu lauk í júlí í ár. Verðmæti strandveiðiaflans árið 2021 voru tæpir 3,9 milljarðar króna eða 838 milljónum minna en í ár.

Kemur þetta fram á vef Hagstofu Íslands.

Í ár voru 712 bátar á strandveiðum og afli þeirra tæp 12.600 tonn. Til samanburðar voru á fyrstu strandveiðunum árið 2009 554 bátar og aflinn 4.129 tonn.

Þorskveiðar skila 93% af verðmætum strandveiðiaflans og ufsaveiðar 6%. Rúmlega 58% af þorskinum var landað á svæði A og tæplega 50% ufsans á svæði D.

Tengdar fréttir

Strandveiðar

„Þetta er svo mikil bull umræða“

• Binda enda á 63 ára útgerðarsögu
• Rétt að gjalda varhug við strandveiðum
• Telur ekkert svigrúm til mikilla hækkana
• Strandveiðar í forgangi

» Fleiri tengdar fréttir

• Blogga um frétt