„Hefur Fiskistofa aldrei heyrt um meðalhófsreglu?“
Setja bókamerki
Tengdar fréttir
Smábátaveiðar
/frimg/1/42/32/1423205.jpg)
„Hefur Fiskistofa aldrei heyrt um meðalhófsreglu?“ spurði Arthur Bogason, formaður Landssambands smábátaeigenda (LS), í setningarræðu sinni á aðalfundi LS á hótel Natura í dag. Vísaði Arthur til eftirlits Fiskistofu með smábátaútgerðum og fullyrti hann að „trillukarlar hafa stöðu grunaðs þar til annað kemur í ljós“.
Telur hann Fiskistofu hafa beitt smábátaútgerðum allt of mikilli hörku við hin minnstu brot en á sama tíma ekki fylgst með stæri fiskiskipum þar sem afli er mun meiri.
Arthur segir Fiskistofu ekki hafa rannsakað ábendingar um stórfellt brottkast svo sem að um borð í togurum væri búnaður sem „hakkar í spað“ afla sem sé hent. Hafi stofnunin borið fyrir sér manneklu, en á sama tíma hafi smábáti sem hent hefur „nokkrum smá-ufsum“ hótað með allt að sex ára fangelsi.
Í lok ræðu sinnar hvatti Arthur til samstöðu innan félagsins. „Það er svo margfalt meira sem sameinar okkur.“
Örn Pálsson, framkvæmdastjóri LS, Minnti í ræðu sinni á kröfu félagsins um að strandveiðisjómönnum verði tryggðir 48 veiðidagar.
Þá sagði hann LS fagna þingsályktunartillögu fimm þingmanna VG er snýr að því að auka hlutdeild atvinnu- og byggðakvóta í heildaraflaheimildum úr 5,3% í 8,3%.
/frimg/1/29/26/1292646.jpg)
Þó leggur LS til að kvótinn sem bætt verði við verði sóttur af stórútgerðinni í aflamarkskerfinu og að krókaaflamarksbátarnir verði undanþegnir þessum skerðingum. Enda hefur hagræðing stórútgerðarinnar verið helsta ástæða þess að störfum hafi fækkað, fullyrti Örn.
Aðalfundinum lýkur á morgun en þá verða bornar undir fundinn tillögur málefnanefnda sem hófur störf í dag.
Tengdar fréttir
Smábátaveiðar
/frimg/1/54/17/1541746.jpg)
„Getum verið að tala um ár eða áratugi“
Hugleiðir framboð til formanns
/frimg/1/54/30/1543000.jpg)
Vegurinn inn að Básum farinn í sundur
Truflanir hafa áhrif á netbanka og rafræn skilríki
Íbúð í Grafarvogi illa farinn eftir eldsvoða
Óvenjuleg virkni sem getur leitt til eldgoss