„Það þarf að hætta að draga á langinn ákvarðanir um hvar má virkja og hvar ekki,“ sagði Halldór Halldórsson, stjórnarformaður Strandbúnaðar og framkvæmdastjór Kalkþörungafélagsins, í setningarræðu sinni í dag á ráðstefnunni Lagarlíf sem fram fer á Grand hóteli í Reykjavík.

Sagði hann fullyrðingar um að hægt væri að mæta orkuskiptum með orkusparnaði séu „kjaftæði“ og skoraði á stjórnmálamenn að taka málinu alvarlega.

Lagarlíf er árleg ráðstefna fyrir ræktunar- og eldisgreinar og er haldin í fimmta sinn.

Fjöldi gesta sækja ráðstefnuna Lagarlíf sem fram fer á Grand hóteli í Reykjavík. mbl.is/Kristinn Magnússon

Í ræðu sinni vakti Halldór i ræðu sinni athygli á því hver orkuþörf þessarar vaxandi atvinnugreinar væri til framtíðar. „Við þurfum að framleiða 16 teravattstundir vegna orkuskipta, það er nánast tvöfalt á við það sem við framleiðum af orku í dag. [...] Þessi fyrirtæki sem hér eru ætla að byggja upp á grundvelli endurnyjarlegrar orku. Það bætist við þessi 16 teravött.“

Gríðarstór ræktunar- og eldisverkefni eru þegar komin í framkvæmd eða eru í undirbúningi og þörf fyrir fyrirsjáanleika í orkumálum að sögn Halldórs. „Viljiði leggjast á árarnar með okkur?“ spurði hann að lokum.

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir

• Blogga um frétt