Metþátttaka var á Lagarlífi – ráðstefnu eldis- og ræktunargreina – sem lauk síðdegis í dag. Þetta fullyrðir Gunnar Þórðarson, einn skipuleggjenda ráðstefnunnar. Hann segir tæplega 500 gesti haf sótt ráðstefnuna og kveðst hæst ánægður með hvernig hafi tekist til.

„Aldrei hafa fleiri fyrirtæki tekið þá og stutt Lagarlíf og að þessu sinni. Áberandi eru fyrirtæki sem þjónusta ört vaxandi sjóeldisfyrirtæki og líta til mikillar uppbyggingar landeldis á Íslandi. Miklar fjárfestingar standa til í þessum greinum og augljóst að mörg fyrirtæki munu njóta góðs af því,“ segir Gunnar.

Ráðstefnan Lagarlíf hófst í gærmorgun og lauk eins og fyrr segir nú síðdegis. Ráðstefnan er haldin af Strandbúnaði ehf. en tilgangur félagsins er að stuðla að faglegri og fræðandi umfjöllun um eldis- og ræktunargreinar og styðja þannig við menntun, rannsóknir, þróun og stefnumótun greinarinnar.

Frétt af mbl.is

Kjaftæði að orkusparnaður geti mætt orkuþörf

Gunnar segir það hafa verið áberandi hve jákvæður og léttur andi hafi verið yfir ráðstefnunni. „Þó að þröngt væri á þingi á Grand hótel, mátti vel sjá að fólk naut sýn vel og hafði gaman af félagsskapnum. Scale AQ bauð til veislu eftir að hefðbundinni dagskrá lauk á fimmtudeginum þar sem jafnframt var boðið upp á tónlist,.“

„Framkvæmdaaðilar eru í skýjunum eftir vel heppnaða ráðstefnu og greinilegt að Lagarlíf er á góðri siglingu og stefnt verður á enn stærri og betri Lagarlíf að ári. Það má segja að allt hafi gengið upp að þessu sinni,“ segir hann að lokum.

Fjöldi gesta sóttu ráðstefnuna. mbl.is/Kristinn Magnússon

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir

• Blogga um frétt