Mowi kaupir í Arctic Fish fyrir 26 milljarða

Norski fiskeldisrisinn Mowi ætlar að kaupa hlutabréf í Arctic Fish fyrir 26 milljarða króna. Mowi ræður eftir kaupin yfir 51,28% af hlutum Arctic Fish.

Framangreind kaup ganga í gegn einungis mánuði eftir að norska ríkisstjórnin tilkynnti um þau áform sín að leggja 40% auðlindaskatt á sjókvíaeldi í Noregi og gengi hlutabréfa fiskeldisfyrirtækja staðsett þar lækkuðu töluvert í framhaldinu. Hlutabréf Mowi lækkuðu t.a.m. um tæp 20%.

Frétt af mbl.is

Yfir 600 milljarða verðmæti hafa þurrkast út

Arctic Fish mun eflast

Í tilkynningu frá Mowi segir að fyrirtækið hafi fylgst með Arctic Fish undanfarin ár og kveðst vera hrifið af árangri þess. „Íslenskt laxeldi stefnir í umfangsmikla uppbyggingu og vöxt á komandi árum og við erum gríðarlega ánægð með tækifærið til að taka þátt,“ segir Ivan Vindheim, framkvæmdastjóri Mowi, í téðri tilkynningu.

Vindheim segir Arctic Fish passa óvenju vel við starfsemi Mowi og að með Mowi innanborðs muni Arctic Fish eflast.

Kaupin eru háð því skilyrði að framkvæmdastjórn Evrópusambandsins leggi blessun sína yfir þau.

Frétt af mbl.is

Verðmæti laxeldis gæti orðið meira en fiskveiða

• Blogga um frétt