Björgunarsveitin Geisli á Fáskrúðsfirði bíður nú eftir að starfsmaður hjá Samgöngustofu komi úr Spánarfríi til að geta notað nýjan bát sveitarinnar. Báturinn hefur ekki fengið útgefið haffærisskírteini og er því ekki útkallsfær.

Óskar Guðmundsson, formaður sjóflokks björgunarsveitarinnar Geisla, segir í samtali við mbl.is að öllum gögnum hafi verið skilað til Samgöngustofu fyrir mánuði síðan og enn sé beðið eftir leyfinu. 

„Kæru sjómenn, við treystum á að þið farið varlega þar til hann Guðmundur kemur heim,“ segir í færslu björgunarsveitarinnar á Facebook. 

Brjóta eða ekki brjóta lög?

Hafdís var smíðuð í Noregi af íslenska fyrirtækinu Rafnar og kom til hafnar á Fáskrúðsfirði í vikunni. 

Frétt af mbl.is

Loðnuvinnslan veitti 29 milljónir í styrki

Óskar segir að leyfið komi trúlega eftir helgina er starfsmaður Samgöngustofu kemur frá Spáni. Nú þegar hefur Siglingastofnun skoðað bátinn og engar athugasemdir bárust. 

Ef það kemur útkall áður en leyfið er gefið út, hvað gerið þið þá?

„Þá þurfum við að taka ákvörðun um það hvort að við brjótum lög og förum og björgum fólkinu eða fylgjum lögum og förum ekki og björgum fólkinu,“ segir Óskar og bætir við að fyrri kosturinn yrði líklega fyrir valinu. 

Hann segir að báturinn muni stórbæta aðstöðu björgunarsveitarinnar og nú sé það eina að vona að starfsmaðurinn komi brátt úr fríi. 

Tengdar fréttir

Öryggi sjófarenda

Stutt við kaup á nýju björgunarskipi

• Færa smábátasjómönnum öryggisapp að kostnaðarlausu
• Strand skemmtiferðaskips kallar á erlenda aðstoð
• Kalla þyrfti til erlent viðbragð
• Hafa þrjá mánuði til að bregðast við

» Fleiri tengdar fréttir

• Blogga um frétt