Samkeppniseftirlitið hefur ákveðið að heimila samruna Síldarvinnslunar og Vísis, að því er fram kemur í tilkynningu á vef Samkeppniseftirlitsins.

Þar segir að niðurstaða stofnunarinnar sé að ekki séu forsendur til íhlutunar í málinu.

„Í fyrri ákvörðunum Samkeppniseftirlitsins er varða Síldarvinnsluna hefur eftirlitið aflað upplýsinga og sjónarmiða um tengsl Síldarvinnslunnar við Samherja hf. og Gjögur hf./Kjálkanes ehf., en slíkt hefur þýðingu fyrir úrlausn samrunamála. Hafa rannsóknir leitt í ljós talsverð stjórnunar-, eigna- og viðskiptatengsl milli framangreindra aðila sem fela í sér vísbendingar um að stofnast hafi til yfirráða í Síldarvinnslunni umfram það sem áður hefur verið greint frá í tilkynningum um samruna.“

Frétt af mbl.is

Samþykktu kaupin á Vísi hf. samhljóma

Þá segir að þær upplýsingar sem fyrir liggja í þessu samrunamáli gefa áfram til kynna eigna-, stjórnunar- og viðskiptatengsl milli Síldarvinnslunnar, Samherja og Gjögur/Kjálkanes.

Því voru samkeppnisleg áhrif samrunans tekin til athugunar út frá tveimur sjónarhornum, annars vegar miðað við samrunann eins og hann var tilkynntur eftirlitinu og hins vegar miðað við möguleg sameiginleg yfirráð Samherja og tengdra félaga yfir Síldarvinnslunni.

Fiskistofu að fylgja eftir hámarks aflahlutdeild

„Það er niðurstaða Samkeppniseftirlitsins að ekki séu forsendur til íhlutunar, hvort sem litið er til hinna þrengri eða víðtækari yfirráða. Þannig eru ekki forsendur til þess að ætla að markaðsráðandi staða sé að myndast eða styrkjast, auk þess sem breyting á samþjöppun vegna kaupa á Vísi er undir þeim viðmiðum sem stuðst er við í evrópskum samkeppnisrétti. Þá gefa fyrirliggjandi gögn ekki til kynna að samkeppni raskist að öðru leyti,“ segir í tilkynningunni.

Það er svo verkefni Fiskistofu að fylgja eftir að farið sé að ákvæðum fiskveiðistjórnunarlaga um hámarks aflahlutdeild.

Í tilefni af málinu hefur Samkeppniseftirlitið átt fund með Fiskistofu og gert henni grein fyrir vísbendingum um víðtækari yfirráð. Mun eftirlitið veita Fiskistofu frekari upplýsingar, ef nauðsynlegt þykir.

Tengdar fréttir

Síldarvinnslan

Samherji tekur Birting á leigu

• Fjölnir til Noregs
• Kaup Síldarvinnslunnar ganga til baka
• Sjóvá og Síldarvinnslan áfram í samstarfi
• Samfélagsspor Síldarvinnslunnar yfir 10 milljarðar

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ENN UM SÍLDARVINNSLUNA HF. OG VÍSI HF, ..........