Afnotagjald sjókvíaeldis hækkar um 53,7%
Setja bókamerki
Sérstakt afnotagjald vegna fiskeldis í sjó hækkar um 53,7% um áramótin í samræmi við ákvæði laga þar um.
Fram kemur í auglýsingu á vef Fiskistofu vegna gjaldtöku ársins 2023 að innheimtar verða 18,33 krónur á hvert kíló af slátruðum laxi sem alinn er í sjó, sem er 53,7% hækkun frá núverandi gjaldi sem er 11,92 krónur. Gjald vegna eldi á ófrjóum laxi og laxi sem alinn er í sjó með lokuðum eldisbúnaði er helmingur almenns gjalds á laxi.
Þá segir jafnframt að gjald á hvert kíló af slátruðum regnbogasilungu verður 9,16 krónur sem á þessu ári hefur verið 5,96 krónur.
Fiskistofa leggur á gjald tvisvar á ári, 15. ágúst vegna tímabilsins 1. janúar til 30. júní og 15. febrúar vegna tímabilsins 1. júlí til 31. desember, í samræmi við lög um töku gjalds vegna fiskeldis í sjó og fiskeldissjóð.
Lög um gjaldtöku af fiskeldi voru samþykkt 2019 og tóku gildi 1. janúar 2020 og var lagt upp með að gjald myndi hækka í sjö áföngum og að gjaldið yrði innheimt að fullu árið 2026.
Áberandi mökkur: „Sambland af gasi og gróðureldum“
Stúlkan enn í lífshættu
„Ég vildi ekki fara þar meir“
Ekki búið að bera kennsl á hinn látna
Leggur til samræmd próf í skólum Reykjavíkur
Tveir kvikustrókar stærstir
Á þriðja hundrað manns komu að aðgerðum