Samið við Intellecta um öflun og úrvinnslu gagna
Setja bókamerki
Tengdar fréttir
Fiskveiðistjórnunin
/frimg/1/46/57/1465795.jpg)
Matvælaráðuneytið og Intellecta undirrituðu nýverið samning um markvissari og skilvirkari öflun og úrvinnslu gagna í sjávarútvegi, að því er fram kemur í tilkynningu á vef Stjórnarráðsins.
Samningurinn var kynntu á fjórða fundi samráðsnefndar um sjávarútvegsstefnu sem haldinn var 16. nóvember, en nefndinni er gert að hafa yfirsýn yfir starfshópa í umfangsmikilli stefnumótun á sviði fiskveiðistjórnunar undir merkjum „Auðlindin okkar“.
„Í kringum sjávarútveg og tengdar greinar verður til mikið magn af gögnum sem skila sér ekki alltaf á sömu staði og nýtast því ekki sem skyldi. Um er að ræða gögn frá rekstraraðilum, stjórnsýslunni og rannsóknargögn sem má nýta betur en nú er gert. Með aukinni þróun í gervigreind við gagnaúrvinnslu hafa orðið til nýir möguleikar til gagnaöflunar og upplýsingagjafar sem draga úr kostnaði og tryggja meiri áreiðanleika. Niðurstöður verkefnisins munu nýtast í vinnu starfshópa Auðlindarinnar okkar, Aðgengi, Samfélag, Tækifæri og Umgengni,“ segir í tilkynningunni.
Þá segir að næsti fundur samráðsnefndar fari fram 17. janúar og verði þá kynntar bráðabirgðaniðurstöður starfshópanna fjögurra.
Tengdar fréttir
Fiskveiðistjórnunin
Forstjóri bendir á ábyrgð birgja vegna verðhækkana
Stóðu skógarþjófa að verki
Kristrún Frostadóttir verður forsætisráðherra
Bein útsending: Ríkisstjórnarsamstarfið kynnt
Ók á hóp fólks á jólamarkaði: Einn látinn
Barn lést í árásinni
„Börn heima sem maður myndi vilja hafa í skjóli“
