Öll tiltæk fiskiskip og bátar á svæðinu þar sem skipverji féll útbyrðis klukkan fimm síðdegis í dag taka nú þátt í leitinni. Skipstjórnarmenn sem 200 mílur hafa rætt við segjast ekkert geta upplýst um gang mála á þessu stigi.

Meðal annars eru fiskiskipin Kap, Sighvatur, Daðey, Hópsnes, Gísli 1909 og Jón Ásbjörnsson á svæðinu.

Guðmund­ur Birk­ir Agn­ars­son, aðgerðar­stjóri hjá Land­helg­is­gæsl­unni, sagði fyrr í kvöld að leit hafi enn ekki borið árangur.

Frétt af mbl.is

Enn leitað að manni sem féll útbyrðis

Umfang aðgerða er töluvert og eru að minnsta kosti átta fiskiskip eða bátar á svæðinu norðvestanvert af Garðsskaga sem og fjórir björgunarbátar og varðskipið Þór.

Þá hafa tvær þyrlur á vegum Landhelgisgæslunnar einnig tekið þátt í aðgerðum.

Frétt af mbl.is

Aðgerðir undan Garðsskaga umfangsmiklar

Tengdar fréttir

Leitin að Ekasit

Leitað í alla nótt og gögn nú yfirfarin

• Skipverjans leitað með neðansjávarfari
• Nafn mannsins sem saknað er
• Leitinni frestað til birtingar
• Gríðarlegt högg fyrir lítið samfélag

» Fleiri tengdar fréttir

• Blogga um frétt