Vilja stöðva laxeldi í opnum sjókvíum
Setja bókamerki
25 samtök náttúruunnenda skora á matvælaráðherra að stöðva laxeldi í opnum sjókvíum.
Áskorunin er gefin út vegna umhverfislyss Arnarlax í Arnarfirði í október en við slátrun úr sjókví varð ljóst að fyrirtækið gat ekki gert grein fyrir afdrifum 81.564 laxa hið minnsta að sögn Matvælastofnunar.
„Villti laxastofninn á Íslandi telur um 50.000 laxa. Slysasleppingin er grafalvarlegt umhverfisslys sem Arnarlax hefur verið sektað um 120 milljónir króna fyrir og mun hafa alvarleg erfðafræðileg áhrif á villta laxastofna á Íslandi,“ segir í tilkynningu frá samtökunum.
„Slysasleppingin er enn fremur staðfesting þess að fögur fyrirheit fyrirtækja í sjókvíaeldi eru fölsk og opinberar hún einnig skeytingarleysi fyrirtækisins gagnvart hagsmunum náttúrunnar þegar ákveðið er að mótmæla sektargreiðslunni.“
Vernda lögbýli
Samtökin kalla eftir trúverðugri áætlun sem miðar að því að banna alfarið laxeldi í sjókvíum hér við land.
„Á meðan verið er að stunda sjókvíaeldi á Íslandi þarf að gera það eftir allra ströngustu stöðlum. Þar ber helst að nefna NASCO staðlana sem ítrekað hafa verið sendir á stjórnvöld. Undirrituð samtök og fyrirtæki skora á matvælaráðherra að innleiða þessa staðla og gefa engan afslátt af þeim á meðan verið er að stunda þessa mengandi starfsemi í fjörðum landsins.“
Þá er einnig skorað á ferðamálaráðherra að vernda þau 2.250 lögbýli „sem treysta á laxveiðihlunnindi og eru ómetanlegur partur af ferðaþjónustu landsins“.
Samtökin sem skrifa undir áskorunina eru NASF á Íslandi, Landssamband Veiðifélaga, Icelandic Wildlife Fund, Laxinn Lifi, Landvernd, Náttúruverndarsamtök Íslands, Ungir Umhverfissinnar, Lax-á, Veiðiflugur, Veiðivön, Höklar, Six Rivers Project, Stóra-Laxá, Fuss, Laxá á Ásum, Starir, Miðfjarðará, Eleven Experience, Norðurá, Stangaveiðifélag Reykjavíkur (SVFR), Hreggnasi, Vatnsdalsá, Veiðifélagið, Fish Partner og Flugubúllan.
Alvarlegt flugumferðaratvik: Enski boltinn truflaði
Byggingarfulltrúi viðurkennir mistök
Íþróttafélög fara á hausinn
Máli foreldra gegn kennurum vísað frá
Svona er tillaga sáttasemjara: Hafa fram á laugardag
Ráðherrar eigi ekki að ýja að ítökum innan lögreglu
/frimg/1/46/36/1463611.jpg)
Segir alla hundfúla yfir tillögunni
Ráðherra ekki á fundi varnarmálaráðherra