Skipverjans leitað með neðansjávarfari
Neðansjávarfarið fært yfir í léttbát Þórs áður en það var sjósett til leitar.
Ljósmynd/Landhelgisgæsla Íslands
Setja bókamerki
Leit hélt áfram í dag að Ekasit Thasaphong sem féll útbyrðis af línuskipinu Sighvati GK-57 úti fyrir Garðskaga á laugardaginn. Leitað var með neðansjávarfari frá Teledyne Gavia sem sjósett var á öðrum tímanum eftir hádegi í dag frá léttbáti varðskipsins Þórs.
Er neðansjávarfarið enn við leit þegar þetta er ritað og gerir Ásgeir Erlendsson, upplýsingafulltrúi Landhelgisgæslunnar, ráð fyrir að leit muni standa fram eftir kvöldi en eftir að henni lýkur tekur við vinnsla úr gögnum farsins.
Tæki þetta er útbúið sérstakri hliðarhljóðsjá auk myndavélar sem nýtist við athugun sjávarbotnsins. Þyrla Gæslunnar var einnig nýtt til leitar úr lofti í dag.
Varðskipið Þór á leitarsvæðinu í dag.
Ljósmynd/Landhelgisgæsla Íslands
Hvatti kjósendur til þess að greiða ógild atkvæði
Létu lofthræðsluna ekki á sig fá
Fundur hafinn hjá kennurum, ríki og sveitarfélögum
Formaðurinn útilokar ekki undirritun í kvöld
„Við vöknuðum við hljóð frá sprengingum“
Rannsókn á menningarnæturmáli lokið
Dæla, kæla og verja mikilvæg mannvirki
Vilja 20 ára dóm í frönsku nauðgunarmáli