Leitað var með neðansjávarfari í alla nótt og til klukkan tíu í morgun að Ekasit Thasaphong sem féll útbyrðis af línuskipinu Sighvati GK-57 úti fyrir Garðskaga á laugardag.

Að sögn Ásgeirs Erlendssonar, upplýsingafulltrúa Landhelgisgæslunnar, er nú verið að fara yfir gögnin sem fengust úr leitinni.

Frétt af mbl.is

Skipverjans leitað með neðansjávarfari

„Þetta far var látið fara um svæðið þar sem líklegt er talið að maðurinn hafi fallið útbyrðis og er útbúin hliðarhljóðsjá sem kortleggur botninn á svæðinu. Það er verið að skoða þau gögn núna og það tekur einhvern tíma,“ segir Ásgeir í samtali við mbl.is.

Varðskipið Þór er nú á leið af leitarsvæðinu og til Reykjavíkur á meðan verið er að fara yfir gögnin, en ákvörðun um næstu skref í leitinni verður tekin eftir hádegi.

Gefur grófa mynd af misfellum á botninum 

Neðansjávarfarið var sjósett á öðrum tímanum í gær og stóð leitin yfir í allan gærdag, í gærkvöld og nótt og þar til farið var tekið úr sjónum klukkan tíu í morgun.

Tækið er út­búið fyrrnefndri hliðar­hljóðsjá auk mynda­vél­ar sem nýt­ist til að skoða sjáv­ar­botninn, en upplýsingarnar sem fást ættu að gefa grófa mynd af misfellum í botninum og öðru í umhverfinu.

Leitarsvæðið er um 25 sjómílur norðvestur af Garðskaga.

Tengdar fréttir

Leitin að Ekasit

Skipverjans leitað með neðansjávarfari

• Nafn mannsins sem saknað er
• Leitinni frestað til birtingar
• Gríðarlegt högg fyrir lítið samfélag
• Féll útbyrðis af línuskipinu Sighvati í eigu Vísis

» Fleiri tengdar fréttir

• Blogga um frétt