Náðu samkomulagi um hámarksafla í makríl
Setja bókamerki
/frimg/1/52/43/1524385.jpg)
Ísland hefur ásamt Noregi, Evrópusambandinu, Færeyjum, Grænlandi og Bretlandi komist að samkomulagi um að hámarksafli í makríl á næsta ári verði 782.066 tonn og var það undirritað í dag. Hámarksaflinn er 13 þúsund tonnum færri en í ár og í samræmi við ráðgjöf Alþjóðahafrannsóknaráðsins (ICES) um hámarksafla 2023.
Enginn samningur um skiptingu hlutdeilda milli strandríkjanna liggur fyrir, þrátt fyrir ítrekaða fundi á þessu ári, og því bendir ekkert til þess að veiðin verði sjálfbær þar sem öll ríkin úthluta sjálfstætt kvóta á grundvelli þeirrar hlutdeildar sem ríkin gera tilkall til. Ísland krefst 16,5% hlut í veiðunum og má því áætla að íslensku uppsjávarskiðunum verði úthlutað 129 þúsund tonna kvóta á makrílvertíð æsta árs.
Funda á ný í febrúar
Strandríkin munu hittast við samningaborðið á ný í febrúar og er gert ráð fyrir tíðum fundum fram í mars. Þurfa þau að ná samkomulagi um skiptingu hlutdeilda í veiðunum fyrir 31. mars ef það á að gilda um næsta veiðitímabil, þar sem veiðarnar hefjast víða á fyrri hluta næsta ári. Fari svo að samningar nást ekki og ríkin úthluti öll í samræmi við kröfur sínar – sem þau að óbreyttu munu gera – stefnir í að heildarafli uppsjávarskipa ríkjanan verði langt umfram vísindalega ráðgjöf eins og verið hefur undanfarin ár.
„Ég er mjög ánægður með að við höfum loksins náð að setja heildarkvóta fyrir makrílinn. Þetta er eitthvað sem við höfum unnið að lengi og skiptir miklu máli fyrir sjómennina og fyrir sjálfbæra nýtingu þessa mikilvæga nytjastofns,“ segir Bjørnar Skjæran, sjávarútvegsráðherra Noregs, í tilkynningu á vef ráðuneytisins í tilefni samkomulagsins.
„Við vonum að þau úrlausnarefni sem eftir eru verði leyst í byrjun næsta árs. Ráðuneytið mun engu að síður gefa út bráðabirgðakvóta fyrir árið 2023 þannig að þeir sem þess þurfa geti hafið veiðar sínar þegar frá áramótum,“ segir Skjæran.
Helgi Magnús mætir til starfa í dag
Stormur á Þorláksmessu en víðast hvar stefnir í hvít jól
Lát hjóna í Neskaupstað: Ákæra gefin út
Kristrún Frostadóttir verður forsætisráðherra
„Óviðunandi eftirlit með börnum“
Ók á hóp fólks á jólamarkaði: Einn látinn
Stóðu skógarþjófa að verki
„Börn heima sem maður myndi vilja hafa í skjóli“