„Óvanalega viðamikið frávik frá staðreyndum“
Setja bókamerki
Kristinn H. Gunnarsson fyrrverandi alþingismaður segir í pistli á Bæjarins besta að staðhæfingar framkvæmdastjóra Verndarsjóðs villtra laxastofna um ástand hafsbotnsins í Dýrafirði reynist einfaldlega ósannar þegar opinber gögn séu skoðuð.
Elvar Örn Friðriksson, framkvæmdastjóri Verndarsjóðs villtra laxastofna, tók sterkt til orða í viðtali á Hringbraut á dögunum þegar hann ræddi um laxeldi í Dýrafirði á Vestfjörðum. Hafsbotninn í Dýrafirði undir laxeldiskvíunum væri „ein stór bakteríumotta, þar sem ekkert annað þrífst, steindauður botn, úrgangur í fiskunum og fóðurleyfar.“
Kristinn segir „óvanalegt að verða vitni að jafn viðamiklu fráviki frá staðreyndum eins og raunin varð í umræddu Hringbrautarviðtali sem ritstjóri Fréttablaðsins stýrði.“
Svæðin öll fengið hæstu einkunn
Kristinn bendir í pistlinum á að ríkisstofnanir hafi eftirlit með þessum iðnaði og þykir ekki mikið koma til þeirra mynda sem Elvar vísaði til í sínum málflutningi.
„Framkvæmdastjórinn vísaði máli sínu til stuðnings aðeins til mynda sem kajakræðari segist hafa tekið einhvers staðar á Dýrafirði. Ekki hefur verið gefið upp hvar og hvenær þær myndir voru teknar.“
Kristinn kýs heldur að skoða hvað Umhverfisstofnun segir um ástand hafsbotnsins undir laxeldiskvíum í Dýrafirði.
„Svo vill til að þessar fullyrðingar framkvæmdastjórans er hægt að staðreyna. Það er lögum samkvæmt fylgst með lífríkinu, ástandi þess fyrir upphaf eldis og breytingum á því meðan á eldi stendur. Á vef Umhverfisstofnunar eru birtar upplýsingar um kröfur og eftirlit ,svo og eftirlitsskýrslur og skýrslur um mælingar og vöktun. Starfsleyfið sjálft er þar einnig aðgengilegt og getur hver sem er kynnt sér það og önnur gögn,“ skrifar Kristinn og hjá honum kemur fram að svæðin þrjú í firðinum hafi öll fengið hæstu einkunn.
„Það er ólíku saman að jafna opinberu eftirliti þar sem skýrslur og önnur gögn eru opinber og öllum aðgengileg og svo leyndardómsfullum myndbrotum,“ skrifar Kristinn einnig.
„Mjög bagalegt“ að klára ekki málið
Viðreisn í mikilli sókn
Óvissustigi á Vestfjörðum aflýst
Óeðlilegt að sama gjald verði tekið óháð þyngd
Par flutt á bráðamóttöku eftir árás
Óvissustig á mörgum vegum
Allt frá nokkrum tímum upp í viku í nýrri miðstöð
110 milljónir í stöðu prófessors
