Loðnumælingin ekki marktæk
Setja bókamerki
Ráðgjöf Hafrannsóknastofnunar um hámarksafla vegna loðnuvertíðarinnar sem nú er nýhafin verður ekki endurskoðuð á grundvelli niðurstaðna sérstaks desemberleiðangurs stofnunarinnar þar sem mælingin þykir ekki marktæk. Þetta segir Guðmundur J. Óskarsson, sviðsstjóri uppsjávarsviðs Hafrannsóknastofnunar, í svari við fyrirspurn Morgunblaðsins.
Farið var í umræddan leiðangur vegna mikils misræmis milli mælinga á ungloðnu haustið 2021 og mælinga síðastliðið haust sem leiddi til þess að ráðgjöfin nam 218.400 tonnum. Það er næstum helmingur þess sem gert var ráð fyrir.
Guðmundur segir að í leiðangrinum sem er nýlokið hafi hafís aftrað yfirferð skipanna úti fyrir Vestfjörðum og norðvesturmiðum. „Það var lítið af loðnu komið inn á svæðið enn sem komið er. Það var loðnu að finna úti fyrir Vestfjörðum og með kantinum allt austur að Kolbeinseyjarhrygg en lítið austan við hann. Þannig var nær enga loðnu að sjá hjá Beiti á norðaustursvæðinu. Fyrir vestan var loðnutorfur til að mynda að finna í námunda við ísröndina. Við gerum því ráð fyrir að loðnan sé ekki gengin að norðan nema að litlu leyti og sé enn að finna undir ísnum. Það var því mat okkar að mælingin gæfi ekki marktæka mynd af stærð veiðistofnsins og veiðiráðgjöfin fyrir komandi vertíð yrði því ekki endurskoðuð út frá þessum niðurstöðum.“
Beitir NK, sem tók þátt í leiðangrinum, hóf loðnuveiðar nýverið og kom með fyrstu 1.300 tonnin til löndunar í Neskaupstað á þriðjudag. Aflinn er unninn í nýrri verksmiðju Síldarvinnslunnar.
Buðu upp á æfingar án öryggisúttektar
Nýtt að gestalistinn sé umræðuefni á Alþingi
Guðrún býður sig fram til formanns
/frimg/1/46/36/1463611.jpg)
„Það er búið að þvarga hérna fram og til baka“
„Vindar frelsis fái að leika um samfélagið“
Ein flugbraut eftir á Reykjavíkurflugvelli
Óskar atbeina Alþingis vegna byrlunar
Vottar Jehóva fyrir áfrýjunardómstól