Fiskimaður verður fiskari í nafni kynhlutleysis

Í nýjum heildarlögum um áhafnir skipa sem taka gildi um áramótin er notað hugtakið „fiskari“ í stað „fiskimanns“ eins og áður var, sem og „útgerð“ í stað „útgerðarmanns“.

Þórhildur Elínardóttir, samskiptastjóri Samgöngustofu, segir að við mótun laganna hafi sérstaklega hafi verið gætt að því að orðalag þeirra væri kynhlutlaust, en þó ekki þannig að það nái til tiltekinna hugtaka sem hafa unnið sér til hefðar að vera sérstaklega kynjuð.

Þórhildur Elín Elínardóttir, upplýsingafulltrúi Samgöngustofu. mbl.is/Eggert Jóhannesson

Spurð hvort lögin séu til þess fallin að ýta undir bætta stöðu jafnréttismála á sjó, svarar Þórhildur: „Lögin ein og sér tryggja auðvitað ekki fullkominn árangur í jafnréttismálum á sjó, heldur þarf menningin og umhverfið að fylgja. Það er verkefni sem þarf stöðugt að þróa í öllum greinum og nær ekki eingöngu yfir jafnrétti kynjanna heldur bara almennt um gott vinnuumhverfi þar sem virðing er borin fyrir öllu fólki. Orðfæri nýju laganna er lítið en mikilvægt skref í þá átt.“

Fjallað var nánar um ný heildarlög í desemberútgáfu 200 mílna.

• 1 blogg um fréttina

Bloggað um fréttina

• Örn Gunnlaugsson: Leiðteygjur.