Mowi eignast 51,28% í Arctic Fish

Kaup norska eldisrisans Mowi á 51,28% hlut í íslenska laxeldisfyrirtækinu Arctic Fish eru gengin í gegn. Mowi greiddi 26 milljarða fyrir hlutinn, eða um 1.670 krónur á hlut.

Framkvæmdastjórn Evrópusambandsins lagði blessun sína yfir kaupin í dag.

Þetta kemur fram í kauphallartilkynningu.

Stærsti framleiðandi í heimi

Mowi hafði fyrir kaupin fylgst með framgangi Arctic Fish síðustu ár.

Í tilkynningu frá fyrirtækinu segir að íslenskt laxeldi stefni í umfangsmikla uppbyggingu og með kaupunum fær fyrirtækið tækifæri til þess að taka þátt í þessum uppgangi.

Mowi er stærsti framleiðandi atlantshafslax í heiminum. Um 12.200 manns vinna hjá fyrirtækinu og er það með starfsstöðvar í 25 löndum.

• Blogga um frétt