Iceland Seafood International hf. (ISI) hefur tekist að finna nýjan aðila sem sýnir því áhuga á að festa kaupa á rekstur félagsins í Grimbsy í Bretlandi, en sá sem undirritaði viljayfirlýsingu um hugsanleg kaup í byrjun desember hætti við kaupin viku seinna.

Forsaga málsins er að ISI tilkynnti í nóvember eftir langvarandi rekstrarhalla að rekstrinum í Bretlandi yrði hætt. En vandræðin hefur félagið sagt vera óheppileg tímasetning samruna rekstursins í Bradford og Grimsby í mars 2020 þegar Covid-19 faraldurinn skall á.

Frétt af mbl.is

Iceland Seafood hættir rekstri í Bretlandi

Jafnframt hafði Brexit veruleg áhrif á rekstrarskilyrði breska dótturfélagsins. Sagði Bjarni Ármannsson, forstjóri Iceland Seafood, í ágúst á síðasta ári í samtali við 200 mílur að í kjölfar Brexit hafi verið erfitt að fá starfsfólk frá meginlandi Evrópu, boðaðir fríverslunarsamningar hafi ekki skilað sér og viðskipti milli landa orðið mun flóknari.

Stefnt að sölu fyrir 13. febrúar

Breska dótturfélagið Iceland Seafood UK Ltd. og tilheyrandi nýuppsett tæknivædd vinnslustöð í Grimsby sett á sölu. Strax 5. desember síðastliðinn gat félagið tilkynnt að undirrituð hafði verið viljayfirlýsing um hugsanlega sölu rekstursins, þó var ekki upplýst um mögulegt kaupverð eða hver væri að íhuga kaup á vinnslunni í Grimsby.

Þann 12. desember tilkynnti síðan ISI að viðræðum hefði verið hætt við þann sem hafði sýnt rekstrinum áhuga.

Hóf þá ISI að eiga samband við aðra sem gætu verið áhugasamir um kaup á rekstrinum í Bretlandi og var tilkynnt rétt fyrir árslok, 30. desember, að nýr aðila hafi undirritað viljayfirlýsingu vegna hugsanlegrar sölu á Iceland Seafood UK Ltd. Yfirlýsingin er ekki bindandi en þar er gert ráð fyrir að ganga frá viðskiptunum fyrir 13. febrúar næstkomandi.

Tengdar fréttir

Iceland Seafood

Merki um viðsnúning hjá Iceland Seafood

• Samþykktu hækkun vaxta í 13%
• Birna í stjórn Iceland Seafood
• Biðja kröfuhafa um leyfi til að selja IS UK
• Brim kaupir hlut Bjarna í Iceland Seafood

» Fleiri tengdar fréttir

• Blogga um frétt