EV AVA vélarvana úti af Reykjanesskaga

Flutningaskipið EF AVA, leiguskip hjá Eimskip, varð vélarvana vestur af Reykjanesskaga snemma í morgun. 

Fleiri skip eru á svæðinu og samkvæmt upplýsingum frá Landhelgisgæslunni reyna skipverjar nú að koma vélinni í gang, en Magni, dráttarbátur Faxaflóahafna, er rétt ókominn á staðinn.

Sama skip varð vélarvana ekki alls fyrir löngu nærri Grindavík.

Frétt af mbl.is

Bilun í smurkerfi olli sprengingu

Áhöfn Þórs og sjóbjörgunarsveitir ræstar 

Uppfært klukkan 08.02: 

Ásgeir Erlendsson upplýsingafulltrúi Landhelgisgæslunnar segir í samtali við mbl.is að tilkynning vegna bilunar skipsins hafi borist um klukkan hálffimm í morgun. 

„Staðan er sú að áhöfnin á varðskipinu Þór og sjóbjörgunarsveitir á vegum Landsbjargar hafa verið kallaðar út og þyrlusveit Landhelgisgæslunnar er í viðbragðsstöðu. Að auki hafa önnur skip verið beðin að halda á staðinn sem og dráttarbáturinn Magni,“ segir Ásgeir. 

Þrettán manns eru í áhöfn skipsins. Skipið rekur til suðurs í átt að svæði þar sem grynningar eru.

Létt á viðbúnaði

Uppfært klukkan 08.38: 

Tekist hefur að ræsa vélar skipsins og siglir skipið nú á eigin vélarafli á fimmtíu prósent álagi. Búið er að snúa skipinu og það siglir til norðurs, í átt til Reykjavíkur. 

Ásgeir Erlendsson segir að létt hefur verið á viðbúnaðir viðbragðsaðila og skip sem beðin höfðu verið um viðveru á svæðinu laus og halda sína leið.

Dráttarbáturinn Magni mun þó fylgja EF AVA áleiðis til Reykjavíkur.

Staða EF AVA rétt í þessu. Skjáskot

• Blogga um frétt