Starfs­hóp­ar í verk­efn­inu „Auðlind­in okk­ar“, sem snýr að stefnu­mót­un í mál­um fisk­veiðiauðlind­ar­inn­ar, leggja meðal ann­ars til að afla­marks­kerf­inu verði viðhaldið.

Einnig leggja þeir til að veiðiskylda verði hert.

Þetta kem­ur fram í bráðabirgðatil­lög­um starfs­hóp­anna sem birt­ar hafa verið á vef mat­vælaráðuneyt­is­ins.

Þá er lagt til að unnið verði að því að ein­falda og sam­ræma lög­gjöf á sviði fisk­veiðistjórn­un­ar í ein heild­ar­lög og lög­festa í stjórn­ar­skrá ákvæði um fisk­veiðiauðlind­ina sem sam­eign þjóðar­inn­ar.

Frétt af mbl.is

Ný sjáv­ar­út­vegs­stefna fyr­ir opn­um dyr­um

Skipaði sam­ráðsnefnd og fjóra starfs­hópa

Í tengsl­um við fisk­veiðistjórn­un­ar­kerfið leggja hóp­arn­ir einnig til til­færslu al­menns byggðakvóta, af­nám 5,3% kerf­is­ins og nýta afrakst­ur­inn til upp­bygg­ing­ar dreifðra byggða, end­ur­skoðun skel- og rækju­bóta sem og línuíviln­un. Jafn­fram er lagt til að sér­tæk­ur byggðakvóti verði ráðstafað til byggða þar sem veiðar og vinnsla eiga framtíð fyr­ir sér auk þess sem tekið verði til skoðunar hvort, hvar og hvernig sé heppi­legt að koma á kerfi með svæðis­bundn­um nýt­ing­ar­rétti. Auk þess sem skerpt og end­ur­skoðað verði mark­mið strand­veiða.

Svandís Svavars­dótt­ir, mat­vælaráðherra, skipaði sam­ráðsnefnd um sjáv­ar­út­vegs­stefnu og fjóra starfs­hópa þann 31. maí í fyrra sem lið í opnu stefnu­mót­un­ar­ferli sem á að mynda heild­ar­stefnu um nýt­ingu fisk­veiðiauðlind­ar­inn­ar.

Hóp­arn­ir hafa nú skilað alls 60 til­lög­um sem flokkað er í rann­sókn­ir og ný­sköp­un, vernd­ar­svæði, veiðisvæði og veiðarfæri, um­gengni um sjáv­ar­auðlind­ina, orku­skipti í sjáv­ar­út­vegi, kerfi fisk­veiðistjórn­un­ar, nýt­ing gagna, markaðssetn­ing, sala og orðspor, mennt­un, auðlinda­gjöld, gagn­sæi sjáv­ar­út­vegs­fyr­ir­tækja, starfs­um­hverfi í sjáv­ar­út­vegi og lög­gjöf á sviði fisk­veiðistjórn­un­ar.

Frétt af mbl.is

Svandís skip­ar 46 til að rýna í sjáv­ar­út­veg­inn

Mark­miðið samstaða

„Mark­miðið með verk­efn­inu Auðlind­in okk­ar hef­ur frá byrj­un verið að auka sátt um fisk­veiðistjórn­un­ar­kerfið þar sem gætt er að um­hverf­is­sjón­ar­miðum, þar sem verðmæt­in eru há­mörkuð og þar sem dreif­ing verðmæt­anna er með sem sann­gjörn­ust­um hætti. Að auka sátt um sjáv­ar­út­veg á Íslandi,“ seg­ir í til­kynn­ingu á vef stjórn­ar­ráðsins.

Þar er jafn­framt bent á að starfs­hóp­arn­ir séu hálfnaðir með vinnu sína og að þeir hafi fundað með fjölda fólks, sér­fræðing­um, hagaðilum og al­menn­ingi, aflað fjölþættra gagna og lagt fram til­gát­ur og rann­sókna­spurn­ing­ar.

„Marg­ar til­lagn­anna eru skýr­ar og til þess falln­ar að efla sam­stöðu og skerpa sýn á mála­flokk­inn meðan aðrar munu kalla á sterk og ólík viðbrögð. Framund­an er mik­il­væg­ur fer­ill í því skyni að byggja enn bet­ur und­ir loka­til­lög­ur hóp­anna sem verður skilað í maí á þessu ári. Áhersla er lögð á að til­lög­urn­ar eru í vinnslu og að ekki er um end­an­lega afurð að ræða,“ seg­ir í til­kynn­ing­unni.

Vinn­an hef­ur gengið sam­kvæmt áætl­un og er gert ráð fyr­ir að lok­aniður­stöður verði til­bún­ar í vor. Í kjöl­farið stend­ur til að hefja und­ir­bún­ing að laga­frum­vörðum og þau verði lögð fram full­bú­in á vorþingi 2024.

Tengd­ar frétt­ir

Fisk­veiðistjórn­un­in

Ísland í fremstu röð í sjálf­bærri nýt­ingu

• Kall­ar eft­ir vist­kerf­is­nálg­un
• Áform rík­is­stjórn­ar ógni kjara­samn­ing­um
• „Ég er á marg­an hátt nokkuð bjart­sýnn“
• Dreg­ur í efa sjálf­bærni sjáv­ar­út­vegs­ins

» Fleiri tengd­ar frétt­ir

Auðlind­in okk­ar

Til­lög­ur ganga í end­ur­nýj­un lífdaga

• Telja frum­varp ógna lífs­kjör­um og at­vinnu­frelsi
• Frum­varpið veiki sjáv­ar­út­veg­inn
• Frest­ur til um­sagn­ar fram­lengd­ur í annað sinn
• Fá merki um að sátt ná­ist

» Fleiri tengd­ar frétt­ir

• Blogga um frétt