Verð á laxi lækkaði um 5% í síðustu viku
Setja bókamerki
Meðalverð á laxi hefur lækkað á mörkuðum um 1,43% á fyrstu fjórum vikum ársins, 2. janúar til 29. janúar, og stendur nú í 86,02 norskum krónum á kíló sem er jafnvirði 1.208 íslenskra króna. Mesta lækkunin milli vikna átti sér stað í síðustu viku þegar meðalverð lækkaði um 5,24%.
Þetta má lesa úr laxvísitölu Nasdaq sem byggir tilkynntu söluverði á hausuðum og slægðum laxi. Þar sést að verð við lok síðustu viku hafi verið 30,37% hærra en um mánaðarmótin október nóvember.
Í síðustu viku fékkst hæsta meðalverð fyrir 8 til 9 kílóa lax og nam það 96,20 norskum krónum á kíló eða 1.352 íslenskar krónur. Lægsta verð nam 70,56 norskum krónum og var það fyrir eins til tveggja kílóa lax.
Búast má við að verð taki að hækka á ný og nái hámarki í kringum páskanna eins og venja er. Hæsta verð sem fékkst fyrir lax á síðasta ári var í viku 17 (24. til 30. apríl) þegar hvert kíló af laxi seldist fyrir 124 norskar krónu að meðaltali. Það er tæplega 44% hærra verð en fékkst í síðustu viku, ekki er þó öruggt að verð nái sömu hæðum og á síðasta ári.
„4-5% gólf sem við verðum bara að brjótast í gegnum“
„Það er verið að slátra íslenskum heimilum“
Mældist á 174 km hraða í gegnum vinnusvæði
„Hætta á því að það dragi úr samstöðunni“
Kerfið streitist á móti
Þrefalt stærra en gosin í desember og janúar
„Farnir að halda verðbólgunni uppi“