Afgreiddu 27 brottkastsmál á síðasta ári
Setja bókamerki
Á árinu 2022 lauk Fiskistofa meðferð 27 brottkastsmála með ákvörðun um viðurlög, þar af átján áminningar og níu veiðileyfissviptingar, að því er fram kemur í tilkynningu á vef Fiskistofu.
Þar segir að að tvö skip hafi verið svipt veiðileyfi í atvinnuskyni í viku og fimm skip hafi verið svipt leyfi í tvær vikur. Brot tveggja skipa mat Fiskistofa meiriháttar og var eitt þeirra svipt veiðileyfi í fjórar vikur og hitt í átta vikur, en bæði málin voru kærð til lögreglu.
„Í öllum tilvikum höfðu veiðieftirlitsmenn Fiskistofu eftirlit með veiðum skipanna með drónum. Brotamálum vegna brottkasts hefur fjölgað mjög eftir að drónar voru teknir í notkun hjá Fiskistofu árið 2021,“ segir í tilkynningunni.
Þá er vakin athygli á því að ákvarðanir um sviptingu veiðileyfa séu birtar á vef stofnunarinnar til að stuðla að gagnsæi í störfum stofnunarinnar og tryggja fyrirsjáanleika fyrir þá sem starfa í greininni. Auk þess er birtingin sögð vera til þess fallin að auka varnaðaráhrif ákvarðana Fiskistofu.
Hafnar kenningum um afskipti af borgarmálum
„Tilbúin til að takast á við gos í þessum mánuði“
Tré falla fyrir flugvöllinn
Telur að Alfreð hafi verið í geðrofi
Almennt ætti ekki að tjá sig á þessum nótum
Ríkið fær stuðning ríflega til baka
Vill að Jóhann Páll gangist við mistökum