Loðnuskipin hafa mörg nýtt sér veðurgluggann sem myndaðist á miðvikudag og haldið til veiða. Er nú krökkt norskra skipa út af Berufirði, en íslensku skipin eru mörg mun sunnar á veiðum – rétt fyrir utan Höfn í Hornafirði.

Norsku skipunum er óheimilt að veiða sunnar en á 64.30 breiddagráðu og geta því ekki elt loðnuna suður með landinu.

Fram kemur á Facebook-síðu Loðnuvinnslunnar í Fáskrúðsfirði að norsku loðnuskipin sex sem þar höfðu beðið af sér brælu undanfarinna daga hafi haldið til veiða á miðvikudagskvöld eða aðfaranótt fimmtudags.

Aðeins eru 50 mílur á miðin frá Fáskrúðsfirði og byrjaði Loðnuvinnslan í nótt að taka við afla skipanna, alls 1.800 tonnum eða um 300 tonnum úr hverju skipi. Skipin eru Rav, Svanaug Elise, Harald Johan, Ligrunn, Senior og Ketlin.

Tengdar fréttir

Loðnuveiðar

Brellin loðna og bjartsýni horfin

• Ný loðnuleit skilar enn lægra mati
• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“

» Fleiri tengdar fréttir

• Blogga um frétt