Sjómenn líklega best tryggðir til framtíðar
Setja bókamerki
Megininntak kjarasamninga Sjómannafélags Íslands (SSÍ) og Samtaka fyrirtækja í sjávarútvegi (SFS) lýtur að betri kjörum og réttindum til framtíðar, auk hnitmiðaðra aðgerða til að auka traust við skipti á verðmætum úr sjó.
Greiðslur í lífeyrissjóð og kauptrygging hækka í samræmi við samninga á almennum vinnumarkaði, auk þess sem áhersla er lögð á aukið gagnsæi og upplýsingagjöf vegna fiskverðsmála.
Þetta kemur fram í tilkynningu frá SFS.
Samningarnir voru undirritaðir um miðnætti. Þeir eru til tíu ára en samningar sjómanna höfðu verið lausir frá árinu 2019.
Launin hækka í samræmi við hækkandi fiskiverð
„Það er þannig í hlutaskiptakerfi að sjómenn eru afurðaverðstryggðir, þannig að þeir njóta þeirra réttinda að laun þeirra hækka í samræmi við hækkandi fiskverð,“ segir Heiðrún Lind Marteinsdóttir, framkvæmdastjóri SFS, spurð hvers vegna samið hafi verið til tíu ára.
„Við erum líka að tryggja það að sjómenn njóti sambærilegra kjara og aðilar á almenna vinnumarkaðnum að því er varðar lífeyrissjóðsréttindi og önnur réttindi, og kauptryggingu og tímakaup í landi.
Þegar við erum með beinum hætti búin að tengja þau kjör við kjarasamninga á almenna vinnumarkaðnum þá eru þeir líklega sú starfsstétt sem er best tryggð hvað varðar kaup og kjör til framtíðar,“ bætir Heiðrún við.
Tilkynningar um tjón á fjórða hundrað
Viðtalið sem sprengdi meirihlutann?
Skrifstofustjóri Ásthildar fór í karphúsið
„Meiri ágreiningur en við áttum von á“
Svo er framtíðin óskrifað blað
Flokkarnir þurfa ekki að endurgreiða styrki
Óskar atbeina Alþingis vegna byrlunar
„Lán að sá sem stóð við ræsið heyrði skruðningana“
