„Framhaldið ræðst fyrst og síðast af veðri og veiðum og vonandi verðum við heppin með hvort tveggja. Spáin fyrir næstu daga er hagstæð og loðnan er stór og falleg,“ segir Stefán Friðriksson, framkvæmdastjóri Ísfélags Vestmannaeyja.

Sigurður VE og Heimaey VE héldu til veiða í gær og kveðst Stefán vona að skipin nái að fylla í dag. „Á morgun verða svo Suðurey og Álsey á miðunum. Framundan er frysting á hrygnu fyrir Asíumarkað og væntanlega verður einhver hængur fyrir markaði í Austur-Evrópu frystur líka þó að áherslan sé á hrygnuna. Um næstu mánaðamót hefst hrognavinnslan.“

Sigurður VE-15 landaði á Þórshöfn í lok janúar. mbl.is/Líney Sigurðardóttir

Áhyggjur af raforkuni

Enn er bilun í dreifikerfi Landsnets til Vestmannaeyja og fæst því ekki nægt rafmagn frá landi.

„Hér þurfa fyrirtæki og heimili að treysta á ljósavélar sem ganga fyrir olíu til þess að framleiða raforku. Mikilvægt er að á meðan á vertíðinni stendur verði ekki hnökrar á afhendingu nægrar orku en því er ekki að neita að maður hefur talsverðar áhyggjur af því,“ segir Stefán.

Frétt af mbl.is

Gyrði sig í brók

Tengdar fréttir

Loðnuveiðar

Brellin loðna og bjartsýni horfin

• Ný loðnuleit skilar enn lægra mati
• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“

» Fleiri tengdar fréttir

• Blogga um frétt