„Við fengum aflann í þremur köstum vestan við Hrollaugseyjar. Þarna var töluvert að sjá af loðnu og ég held að veiðin hjá skipunum sem þarna voru hafi almennt verið góð,“ segir Hjörvar Hjálmarsson, skipstjóri á Berki NK, um gang loðnuveiða í færlsu á vef Síldarvinnslunnar.

Skipið lagði við bryggju í Neskaupstað í nótt og voru um þúsund tonn af loðnu um borð eftir aðeins sex klukkustundir á miðunum.

„Það er 40% kelling í aflanum og hrognafyllingin er um 14%. Farið er að frysta á Japan þegar hrognafyllingin er 15% og því er stutt í Japansloðnuna. Vonandi fæst slík loðna í næsta túr. Mér líst mjög vel á framhaldið, ekki síst vegna þess að það verður friður á miðunum næstu daga. Menn eru orðnir býsna þreyttir á brælunum sem hafa herjað á okkur að undanförnu,“ segir Hjörvar í færslunni.

Aflinn verður unninn í fiskiðjuveri Síldarvinnslunnar, en þar vinna nú um 70 starfsmenn í samfelldri vinnslu á þrískiptum vöktum.

Frétt af mbl.is

70 starfsmenn í samfelldri loðnuvinnslu

Tengdar fréttir

Loðnuveiðar

Brellin loðna og bjartsýni horfin

• Ný loðnuleit skilar enn lægra mati
• Ekki von á að mæling leiði til breytinga
• Áfram verður leitað að loðnunni
• „Það þarf auðvitað bara að leita betur“

» Fleiri tengdar fréttir

• Blogga um frétt