Benedikt Orri ráðinn forstjóri Rafnars

Benedikt Orri Einarsson hefur verið ráðinn forstjóri haftæknifyrirtækisins Rafnar, en fyrirtækið vinnur að því að auka aðgengi að úthöfunum með þróun nýrra haftæknilausna.

Benedikt, sem var áður framkvæmdastjóri fjármála hjá hugbúnaðarfyrirtækinu Meniga, kveðst vera spenntur fyrir komandi misserum.

Fram kemur í tilkynningu, að Benedikt, sem er fæddur árið 1978, sé með M.Sc. gráðu í iðnaðarverkfræði og B.Sc. gráðu í véla- og iðnaðarverkfræði frá Háskóla Íslands.

Á undan Meniga starfaði hann meðal annars sem fjármálastjóri Carbon Recycling International ásamt því sem hann byggði upp og stýrði deild sem sá um endurskipulagningu fyrirtækja í viðskiptum við Landsbankann á árunum 2008-2010. Þar áður starfaði Benedikt í fyrirtækjaráðgjöf Landsbankans en hann hefur einnig setið í stjórnum ýmissa fyrirtækja. Benedikt er giftur Huldu Hallgrímsdóttur, framkvæmdastjóra nýsköpunar og rekstrar hjá Sýn, og eiga þau þrjú börn

Björn Ársæll Pétursson, stjórnarformaður Rafnar, segir það vera mikil ávinningur fyrir fyrirtækið að fá Benedikt sem forstjóra inn í félagið til að leiða næstu fasta í vexti þess.

• Blogga um frétt