Reyna að forðast þorskinn og ýsuna

Bæði hjá Vestmannaey VE og Bergi VE hafa tveir síðustu túrar verið „skraptúrar, eins og því er lýst á vef Síldarvinnslunnar. Þar segir að áherslan undanfarið hafi verið á að veiða karfa, ufsa og lýsu en að reynst hafi verið að forðast þorskinn og ýsuna.

Landaði Vestmananey tæplega 55 tonnum upp úr sjó 15. febrúar og Bergur um 60 tonnum upp úr sjó þann 16. febrúar. Lönduðu skipin afla á ný síðastliðna helgi og héldu svo til veiða á ný í morgun.

Haft er eftir Birgi Þór Sverrissyni, skipstjóra á Vestmananey að þokkalegt kropp hafi verið í báðum túrum. „Þetta gekk bara ágætlega og við vorum á miðunum hérna í kringum Eyjar; í Háadýpinu, á Sneiðinni og vestan við Gjá. Það verður að sinna fleiri tegundum en þorski og ýsu og því kemur alltaf að skraptúrum. Bæði skip voru með um 50 tonna afla í hvorum túr. Og nú eru þau bæði á leið austur með landinu. Það á að kíkja á ýsu,“ segir Birgir Þór.

• Blogga um frétt