Sóknarfæri í sæbjúgunum

Foodsmart Nordic nefnist íslenskt frumkvöðlafyrirtæki í fæðubótarefnum sem hyggst hefja starfsemi í nýju hátækniframleiðsluhúsi á Blönduósi með vorinu og stefnt er á útflutning. Í dag framleiðir félagið kollagen, sæbjúgnaduft og fiskprótín í þróunarsetri sínu á Skagaströnd og selur til innlendra aðila.

Foodsmart Nordic hyggst stunda kraftmikla nýsköpun og þannig styðja við uppbyggingu og framleiðslu á hágæða fæðubótarefnum á Íslandi. Meðal þess sem Foodsmart Nordic gerir er að nýta hráefni sem annars væri hent eða urðað. Katrín Amni Friðriksdóttir stjórnarformaður og Viðar Þorkelsson framkvæmdastjóri nefna sæbjúga, það snoppufríða skrápdýr, í því sambandi en í því tilfelli er nýtingin 100%. Þá nýtist fiskroð vel við framleiðslu kollagens.

Nánar var fjallað um Foodsmart Nordic í Sunnudagsblaðinu.