Hlutabréf Brims og Síldarvinnslunnar hækka ört

Hlutabréf sjávarútvegsfyrirtækjanna í Kauphöllinni hafa hækkað nokkuð það sem af er degi. Gengi bréfa Brims hf. hafa, þegar þetta er skrifað, hækkað um 5,74% frá opnun markaða í morgun og er nú 92 krónur á hlut. Einnig hefur gengi bréfa Síldarvinnslunnar hf. hækkað ört frá opnun markaða, alls um 5,70%, og er það nú 120,5 krónur á hlut.

Ekki er hægt að fullyrða að tilkynning Hafrannsóknastofnunar um að ráðgjöf um hámarksveiði á yfirstandandi loðnuvertíð aukist með að minnsta kosti 100 þúsund tonnum hafi haft þessi áhrif, en ljóst er að bréfin tóku að hækka hratt um klukkan eitt, sem er um það leyti sem tilkynningin var birt.

Markaðsvirði Brims er nú tæplega 180 milljarðar króna og virði Síldarvinnslunnar nemur nú 222,4 milljörðum króna.

Frétt af mbl.is

Von á 100 þúsund tonna viðbótarloðnukvóta

• Blogga um frétt