Hvorki ákært Hval né fjölmiðlamennina
Setja bókamerki
Rannsókn rannsóknardeildar lögreglunnar á Vesturlandi í máli svissnesku fjölmiðlamannanna og Hvals ehf. er hætt. Þetta staðfestir lögreglan á Vesturlandi í skriflegu svari við fyrirspurn Morgunblaðsins um málið.
Málavextir voru þeir að í ágúst tóku starfsmenn Hvals dróna svissneskra fjölmiðlamanna traustataki, en að sögn Hvals höfðu fjölmiðlamennirnir flogið honum í um 20 metra hæð á athafnasvæði fyrirtækisins.
Starfsmenn Hvals lögðu því hald á drónann og neituðu að skila honum til áðurnefndra fjölmiðlamanna. Það var ekki fyrr en lögreglan hótaði húsleit sem Hvalur lét undan og afhenti drónann til baka.
Í skriflegu svari lögreglunnar segir að tvennt hafi verið til rannsóknar í nefndu máli. Annars vegar gripdeild en rannsókn var hætt eftir að drónanum var skilað. Hins vegar var til skoðunar mögulegt brot á loftferðalögum en ekki var sannað að loftferðalög hefðu verið brotin þannig að rannsókn var einnig hætt hvað það varðar.
„Ég veit hver aðkoma ráðuneytisins var“
„Lán að sá sem stóð við ræsið heyrði skruðningana“
Enginn svæfingarlæknir var tiltækur í flug
Tilkynningar um tjón á fjórða hundrað
Kristján Þórður segir af sér
„Sá það bara hverfa í einni vindhviðu“
„Meiri ágreiningur en við áttum von á“
Lofaði kjósendum að knýja fram breytingar
