Brim hagnaðist um 11 milljarða króna í fyrra

Hagnaður út­gerðarfé­lags­ins Brim nam á síðasta ári um 79,3 millj­ón­um evra, eða þvi sem nem­ur um 11,3 millj­örðum króna á meðal­gengi árs­ins. Þetta er lít­ils­hátt­ar aukn­ing á milli ára þar sem hagnaður­inn árið 2021 nam 75,2 millj­ón­um evra.

Tekj­ur fé­lags­ins á síðasta ári námu 451 millj­ón evra, eða rúm­um 64 millj­örðum króna, sam­an­borið við 388 millj­ón­ir evra árið áður og juk­ust því um 16% á milli ára.

Rekstr­ar­hagnaður Brims fyr­ir af­skrift­ir og fjár­magnsliði (EBITDA hagnaður) nam tæp­um 118 millj­ón­um evra, sem jafn­gild­ir tæp­lega 17 millj­örðum króna, og jókst um rúm 25% á milli ára.

Heild­ar­eign­ir fé­lags­ins námu 942,9 millj­ón­um evra, eða um 142,8 millj­örðum króna, í árs­lok síðasta árs. Eigið fé nam 452,3 millj­ón­um evra, eða um 68,5 millj­örðum króna, og var eig­in­fjár­hlut­fall 48%.

Guðmund­ur Kristjáns­son, for­stjóri Brims, seg­ir í upp­gjörstil­kynn­ingu fé­lags­ins að rekst­ur­inn á síðasta ári hafi verið góður og að er­lend­ir markaðir fyr­ir sjáv­ar­af­urðir Brims hafi verið hag­stæðir, verð góð og að sala á afurðum hafi gengið vel.

„Brim hef­ur haldið áfram að fjár­festa eft­ir stefnu sem var mörkuð árið 2018, þ.e. að fjár­festa í veiðiheim­ild­um, skip­um, tækni og búnaði, og markaðs og sölu­starfi. Í dag er óvissa. Í Evr­ópu er stríð og verðbólga og vinnu­deil­ur eru hér á Íslandi og und­ir­bún­ing­ur er í gangi að nýj­um lög­um um stjórn fisk­veiða. Brim mun því fara var­lega í öll­um mik­il­væg­um ákvörðunum á næstu mánuðum,“ seg­ir Guðmund­ur.

Starfs­svæði Brims á Grandag­arði. Morg­un­blaðið/​Sig­urður Bogi

• Blogga um frétt