Vænn þorskur og vilja meiri kvóta

„Breiðafjörðurinn er fullur af fiski. Menn geta bókstaflega valið hvar þeir setja út línu eða niður net; alls staðar er fiskur,“ segir Pétur sem telur góða veiði nú gefa tilefni til endurskoðunar á leyfilegum hámarksafla. Aðstæður og svigrúm til þess nú að auka veiðiheimildir í þorski um hið minnsta 50 þúsund tonn – og jafnvel tvöfalda þá tölu.

Frétt af mbl.is

Skerðing þorskkvóta ígildi veiða 10 togara

Vestur á fjörðum er mikið umleikis við sjávarsíðuna þessa dagana. Oddi hf. á Patreksfirði á tvo báta, Núp BA 69 og Patrek BA 64, en vegna ónógs kvóta hefur sá síðarnefndi verið bundinn við bryggju síðan í nóvember.

„Þorskstofninn er greinilega mjög sterkur þótt fiskifræðin segir annað. Hljóð og mynd fara ekki saman. Veiði á hvern öngul hefur sennilega sjaldan eða aldrei verið jafn mikil og nú. Stundum hafa komið þeir dagar hjá okkur í vinnslunni að þorsk hefur vantað og þá höfum við í staðinn tekið inn í verkun lax frá eldisfyrirtækjunum hér á svæðinu,“ segir Skjöldur Pálmason, framkvæmdastjóri Odda.

Nánar má lesa um málið í Morgunblaðinu í dag.