Hafrannsóknastofnun leggur til að loðnuafli fiskveiðiársins verði ekki meiri en 459.800 tonn, en það er aukning um 184.100 tonn frá síðustu ráðgjöf. Í fréttatilkynningu á vef stofnunarinnar kemur fram að ráðleggingin byggi á mælingum úti fyrir Húnaflóa, sem voru framkvæmdar um miðjan febrúar.

Segir þar einnig að það sé mat Hafrannsóknastofnunar að loðnan sem þar mældist muni líklegast hrygna á þeim slóðum.

„Út frá varúðarsjónarmiðum hvetur stofnunin til þess að afli sem nemur viðbótarráðgjöf verði veiddur sem mest á þeim slóðum. Ef viðbótaraflinn yrði allur tekinn á hefðbundnum slóðum fyrir sunnan og vestan land yrðu allnokkrar líkur á að lítið af loðnu myndi hrygna þar,“ segir í tilkynningunni. 

Frétt af mbl.is

Viðbótarkvóti geti skilað tíu milljörðum króna

Þá segir að með því að ganga ekki of nærri þeirri loðnu sem hrygni við vestur- og suðurströnd landsins væri verið að leitast við að „viðhalda líffræðilegum fjölbreytileika innan stofnsins, auka líkur á góðri nýliðun og gera veiðarnar sjálfbærari. Með öðrum orðum, mælst er til þess að loðnuveiðarnar endurspegli á einhvern hátt dreifingu stofnsins eftir hrygningarsvæðum.“

„Hafrannsóknastofnun leggur því til að 2/3 af þeim 184 100 tonnum sem nú koma til hækkunar ráðgjafar sem gefin var út 3. febrúar verði veiddur norðan við Ísland á svæðinu frá Horni að Langanesi, eða að minnsta kosti 122 700 tonn.“

Frétt af mbl.is

Von á 100 þúsund tonna viðbótarloðnukvóta

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt