Óteljandi tækifæri með ofurrófstækni
Setja bókamerki
Fáir hugsa um sjávarútveg þegar ofurrófsmyndavélar (e. hyperspectral imaging) eru nefndar enda hefur slík tækni til þess varið notuð til að greina fornminjar í Amason-frumskóginum, landris, málma í grjóti í námuiðnaði og ekki síst er tæknin notuð í læknavísindunum.
Maritech Eye er enn eitt skrefið sem tekið er í sjálfvirknivæðingu framleiðslu sjávarfangs þar sem ofurrófsmyndavélatækni með aðstoð gervigreindar sinnir gæðaeftirliti. Tæknin er rétt byrjuð að ryðja sér rúms í sjávarútvegi og hafa Brim, Útgerðarfélag Reykjavíkur og Samherji þegar tekið í notkun Maritech Eye-tæki.
„Mannsaugað og myndavélar nema bara mjög lítinn hluta af geislasviðinu,“ útskýrir Konráð Hatlemark Olavsson, framkvæmdastjóri Maritech á Íslandi. Hann bendir á að innan sjávarútvegs og fiskeldis sé þegar verið að nota röntgengeisla til að greina beingarða, en með ofurrófstækninni er hægt að greina mun fleiri hluti.
„Í hvítfisknum erum við að leita til dæmis að ormum og blóði. Við sjáum í gegnum roðið á hvítfiski, þannig að ef þú myndar heilan fisk geturðu séð mar eða hvort hann hafi verið illa blóðgaður til dæmis.“
Spurður hvort fiskurinn þurfi að vera eitthvað verkaður til að hægt sé að nýta Maritech Eye í hefðbundinni íslenskri fiskvinnslu, svarar Konráð því neitandi. „Við getum skannað hann í hvaða formi sem er, þess vegna heilan. Tækið getur greint allt sem það kann að greina og það finnur það sem við erum að leita að hverju sinni. Með gervigreind getum við kennt tækinu að þekkja mismunandi hluti.“
Nágrannaþjóðir upplýstar en við vöðum í blindni
Ók á hóp fólks á jólamarkaði: Einn látinn
Forstjóri bendir á ábyrgð birgja vegna verðhækkana
„Mér finnst gamla Samfylkingin komin aftur“
Beint: Gengið á fund forseta
Lát hjóna í Neskaupstað: Ákæra gefin út
Funda með þingflokkum