Báturinn kominn til hafnar og áhöfnin heil á húfi

Björg­un­ar­skip Slysa­varna­fé­lags­ins Lands­bjarg­ar á Sigluf­irði, Sig­ur­vin, var kallað út kl. 11 í dag til aðstoðar smá­bát sem fengið hafði veiðarfæri í skrúf­una og var því vél­ar­vana. 

Frétt af mbl.is

Vél­ar­vana bát­ur við Siglu­fjörð

Sig­ur­vin lagði úr höfn á Sigluf­irði kl 11:17, með fjög­urra manna áhöfn, og hélt áleiðs að bátn­um sem stadd­ur var í mynni Siglu­fjarðar. Sigl­ing­in að bátn­um var stutt og klukk­an 11:24 var Sig­ur­vin kom­inn að bátn­um og nokkr­um mín­út­um síðar var búið að koma taug á milli og bát­ur­inn tek­inn í tog. Ekk­ert amaði að áhöfn og gekk vel að koma taug á milli, að því er seg­ir í til­kynn­ingu frá Slysa­varna­fé­lag­inu Lands­björg. 

Sig­ur­vin sigldi svo til hafn­ar á Sigluf­irði með bát­inn í togi og var kom­inn til hafn­ar um ein­um og hálf­um tíma eft­ir að út­kall barst.

Ljós­mynd/​Lands­björg

• Blogga um frétt