Þrjú ný bannsvæði botnveiða

Þrjú ný svæði hafa verið skilgreind  sem verndarsvæði þar sem botnveiðar eru óheimilar samkvæmt reglugerð sem Svandís Svavarsdóttir, Matvælaráðherra, hefur undirritað. Alls eru því nú 17 svæði innan íslenskrar lögsögu sem njóta slíkrar verndar.

Tilkynnt hefur verið á vef stjórnarráðsins að Svandís hafi undirritað nýja reglugerð um verndarráðstafanir vegna viðkvæmra hafsvæða og botnvistkerfa. Reglugerðin fellur úr gildi reglugerð um friðunarsvæði við Ísland og voru þau svæðis em þar voru skilgreind færð yfir í hina nýju reglugerð. Fram kemur að flest svæðin hafi verið lokuð fyrir veiðum með línu og/eða botnvörpu allt frá árinu 1971.

Vernarsvæðin verða nú 17 talsins og ná til 2% fiskimiðana umhverfis Ísland. Kort/Stjórnarráðið

Kort/Stjórnarráðið

„Allar veiðar nema handfæraveiðar og veiðar á uppsjávarfiski með flotvörpu og hringnót verða framvegis óheimilar á þessum svæðum. Við gildistöku þessarar reglugerðar verða allar botnveiðar bannaðar samtals á sautján svæðum í fiskveiðilandhelgi Íslands, en svæðin taka til tæplega 2% af fiskveiðilandhelginni,“ segir í tilkynningunni.

Einnig hafa ellefu svæði til verndunar kóralla verið færð inn í reglugerðina en botnveiðar hafa verið óheimilar á hluta þeirra í tæp tuttugu ár.

„Verndun líffræðilegrar fjölbreytni er ein stærsta áskorun samtímans. Verndun vistkerfa hafsins er þar mikilvægur þáttur. Markmið alþjóðasamfélagsins eru háleit, stefnt er að verndun um 30% hafsvæða heimsins. Við þurfum að gera betur í þessum málaflokki og þetta er mikilvægt skref í þá átt,“ er haft eftir Svandísi í tilkynnignunni.

Kort/Stjórnarráðið

Kort/Stjórnarráðið

Kort/Stjórnarráðið

• Blogga um frétt