Hægt að tífalda verðmæti eldis
Setja bókamerki
Áætlað er að framleiðsluverðmæti í fiskeldi og þörungarækt geti orðið 140 til 430 milljarðar íslenskra króna eftir tíu ár. Til samanburðar má geta þess að það nam 45 milljörðum á árinu 2021. Grunnsviðsmynd gerir ráð fyrir 242 milljarða verðmætum en það svarar til 6% af vergri landsframleiðslu.
Við þetta gæti störfum fjölgað úr 2.200 í 7.000 sem er 3% núverandi vinnuafls og skattar og gjöld gætu numið um 3% af heildarskatttekjum. Miðað við þær forsendur sem Boston Consulting Group gefur sér við gerð skýrslu um stöðu og framtíð lagareldis á Íslandi er niðurstaðan sú að eldið geti orðið að nýrri efnahagslegri stoð á Íslandi.
Skýrsla erlenda ráðgjafarfyrirtækisins var unnin fyrir matvælaráðuneytið og var hún kynnt í gær. Lagareldi er yfirheiti yfir fiskeldi í sjókvíum, í landeldisstöðvum og á úthafinu ásamt ræktun og nýtingu smáþörunga og stórþörunga.
Skýrslan er liður í að móta stefnu stjórnvalda í málefnum lagareldis og lýsti Svandís Svavarsdóttir matvælaráðherra ánægju sinni með vinnuna að baki skýrslunni á blaðamannafundi. Unnið er að fleiri greiningum.
Ítarlega er fjallað um niðurstöður skýrslunnar í Morgunblaðinu í dag.
/frimg/1/50/58/1505804.jpg)
Hreinar línur í veðrinu næstu tíu daga
„Þau eru ónæm fyrir alvarleika málsins“
Var aldrei að fara að byggja glerhöll eða gámahótel
Foreldrar skilja ekki einkunnir barna sinna
Sætir ákúrum umboðsmanns
„Það er þá bara alltaf orðrómur“
Veitti fá svör um banatilræðið við Trump
Óráðleg og afdrifarík ákvörðun skólayfirvalda