Marsrallið hafið og héldu fjögur skip á miðin
Setja bókamerki
Stofnmæling botnfiska á Íslandsmiðum hófst mánudaginn 27. febrúar og stendur yfir næstu þrjár vikurnar. Fjögur skip taka þátt í verkefninu og eru það togararnir Breki VE og Gullver NS, auk rannsóknaskipanna Árna Friðrikssyni og Bjarna Sæmundssyni.
Þetta kemur fram í tilkynningu á vef Hafrannsóknastofnunar.
Þar segir að togað verður á tæplega 600 stöðvum á 20 til 500 metra dýpi umhverfis landið. Hægt er að fylgjast með leið skipanna og togstöðvum í beinni á kortinu neðst í fréttinni.
„Verkefnið, sem einnig er nefnt marsrall eða togararall, hefur verið framkvæmt með sambærilegum hætti á hverju ári síðan 1985 og er þetta því í 39. skipti sem mælingin fer fram. Helmingur togstöðva var í upphafi staðsettur af skipstjórum en öðrum stöðvum var dreift um miðin með tilviljunarkenndum hætti,“ segir í tilkynningunni.
Þá séu helstu markmiðin að fylgjast með breytingum á stofnstærðum, aldri, fæðu, ástandi og útbreiðslu botnfisktegunda við landið. Auk þess er sýnum safnað vegna fjölda rannsókna, meðal annars á mengunarefnum í sjávarfangi og mat lagt á magn ýmiskonar rusls á sjávarbotni.
Veggjalúsin er orðin faraldur
Gosið 2014: Glóandi dreki og land í bláu skini
Of snemmt að segja til um hvort hrinan sé að fjara út
„Nú gilda reykfylltu bakherbergin“
Óvenjuleg og hröð atburðarás sem kemur á óvart
„Eins og kjarnorkusprengja hafi fallið“
„Þetta er okkar öflugasta eldstöð“