629 tonn af undirmálsfiski

Það sem af er fiskveiðiári hefur verið landað 629,4 tonnum af afla sem skráður er sem undirmálsfiskur. Það er ígildi 80% af afla sem var landað sem undirmál allt síðasta fiskveiðiár. Engu að síður er mun minna um að afla sé landað sem undirmál nú en fyrir áratug.

Alls hefur verið landað rétt rúmlega 430 tonnum af þorski sem undirmálsfiskur það sem af er fiskveiðiárinu 2022/2023 og 198 tonnum af ýsu, samkvæmt talnagögnum á vef Fiskistofu. Auk þess hefur 545 kíló af ufsa og 80 kíló af gullkarfa verið landað sem slíkum fiski.

Und­ir­máls­afli er fiskur undir tilgreindum stærðasrmörkum og telst fiskur sem er skráður sem slíkur að hálfu til afla­marks. Þetta á að hvetja til þess að komið sé með smá­fisk að landi frem­ur en að kasta hon­um. Heim­ild­in nær þó ein­göngu til 10% af afla veiðiferðar og þarf að halda afl­an­um aðgreind­um frá öðrum afla um borð og vigta sér­stak­lega.

• Blogga um frétt